எங்கே உள்ளது சாதி????

படம்-minikins10.rssing.com

சாதி-திண்டாமைபை் பற்றி
பேச வாயெடுத்தார்
தோழர்  ஒருவர்....

அதெல்லாம் அந்தக் காலம்
சார், இப்பெல்லாம் யாரும்
சாதி பார்ப்பதில்லை- என்றார்.
எதிர் பேச்சாளர்..........

தனிக் குடியிருப்பு, தனிச்சுடுகாடு
தனித் தேநீர்குவளை போன்ற
தீண்டாமை கொடுமைகள்
நீடிப்பதை எடுத்துரைத்தார்
தோழர்.........

இருக்கலாம் சார்,ஆனால்
முன்னைப்போல் அவ்வளவு
கடுமையாக இல்லை சார்
என்றார் இவர்.............

தமிழகத்தில் பல இடங்களில்
தாழ்த்தப்பட்ட மக்கள்
கொளுத்தப்பட்டதையும்
கொலை செய்யப்பட்டதையும்
ஆதாரத்துடன் பேசினார்
அவர்..................

அதுக்கெல்லாம் காரணம்
அரசியல் வாதிகள்தான் சார்
அவர்கள்தான் சாதி வெறியை
தூண்டிவிடுகிறார்கள் என்று
முழுப்பழியையும் அரசியல்
வாதிகள் மேல் போட்டு
தப்பிக்கப் பார்த்தார்
இவர்.......................

மக்களிடம் சாதி உணர்வும்
சாதி வெறியும் இருந்தால்தானே
அய்யா! தூண்ட முடியும் ! இல்லாத
ஒன்றை எப்படி தூண்ட முடியும்
என்று கேட்டார் அவர்...........

சாதியெல்லாம் அவ்வளவு
சீக்கிரத்தில் ஒழிக்க முடியாது
சார் என்று எரிச்சலாக பேசி
பேச்சை முடித்துக் கொண்டார்
இவர்................

எங்கே இருக்கிறது சாதி
என்று பேசத் தொடங்கி
இரண்டே நிமிடத்திற்குள்
“சாதியை ஒழிக்க முடியாது”
“சாதி கூடாது” என்று
 இப்படி முன்னுக்குப்பின்
முரனான  இரட்டை வேடமும்
பாசாங்குத்தனமும் நிறைந்தவர்களிடம்தான்
சாதி உள்ளது.  என்றார்
தோழர்...............