எதிரியின் உரிமையை அழிக்கும் உத்தமவில்லன்கள்

படம்-www.4tamilmedia.com

பசுவதை தடை.
மாட்டை வெட்டினால்
ஐந்து ஆண்டு சிறை
மகாராஷ்டிரத்தில்

போதாதென்றால்....
இரண்டு சேர்த்து
ஏழு ஆண்டு சிறை..
மத்திய பிரதேசத்தில்

இதுவும் போதாதென்றால்
மூன்று வருடம் 
சேர்த்து பத்து வருடம் 
சிறை அரியானாவில்..

யாருக்கெல்லாம்
பொருந்தும் இந்தச் 
 கடுங்காவல்சிறைத் 
தண்டனை .................

மாட்டை வளர்க்க 
முடியாமல் விற்பனை 
செய்யும் விவசாயிகள்

இரக்கப்பட்டு மாட்டை
வாங்கும் வியாபாரிகள்

ஓரிடத்திலிருந்து பிரி
தொரிடத்திற்கு கொண்டு
செல்ல உதவும் லாரி
டிரைவர்கள்

 அதை வெட்டுபவர்கள்
அதை வாங்கி சமைப்பவர்கள்
சமைத்ததை உண்பவர்கள்

இவர்கள்  அத்தனை
பேரும் தண்டனைக்
குரிய குற்றவாளிகள்.

இந்தக் குற்றவாளிகளை
ஒரு போலீசு சந்தேகப்பட்டால்
வீடு புகுந்து சோதனை 
செய்யலாம், வாயை
ஊதச் சொல்லாமல்
கைது செய்யலாம்.

இவர்கள் குற்றவாளிகள்
இல்லை என்று
இவர்களே நிருபிக்காதவரை
இவர்கள் குற்றவாளிகள்

இனி ,  
குஜராத்தை போன்றதொரு
ஊழிக்கூத்துக்கள் இந்தியா
முழுவதும் அரங்கேற்றுவார்கள்
உத்தமவில்லன்கள்.