ஒரு நாள் கூத்துக்கு பிறகு திண்டாட்டம்

 சிட்டு குருவிகனக்கா...

பல நாள் உழைத்து 

சேர்த்த பணம் ஒரு நாள்  

கூத்தில் காலியானது........

தேவைக்கு வாங்கிய
கடனுக்கு பலநாள் வட்டி 

கட்ட பரிதவித்த போதும்- 

அதை மறந்து, ஒரு நாள் 

கூத்தால் பல நாள் கட்டிய 

வட்டியும அடையாத  

முதலும் சேர்ந்து புதிய 

கடனாக எழுந்தது........

பலநாள் பார்க்காத லாபத்தை

ஒரு நாள் பார்த்தவனுக்கு

தீபாவளி  அவனுக்கு கொண்டாட்டம்

பல நாள் சேர்த்த 

பணத்தை ஒரு நாள் 

கூத்தில் இழந்தவனுக்கும்

புதிதாய் வட்டிக்கு  

வாங்கியவனுக்கும் தீபாவளி 

கூத்து திண்டாட்டம்.

இருப்பவனுக்கு தீபாவளி

பல நாள் கூத்தாகும்

இல்லாதவனுக்கு தீபாவளி

பல நாள் திண்டாட்டமாகும்