பிச்சை எடுத்த கீதாவுக்காக தண்டம் கட்டும் மீனாட்சி...!!!

படம்--மாலைமலர்

மதுரை ..திருவாளர்கள் நிறைந்த பகுதிகளில் ஒன்றான அண்ணாநகரில் கீதா என்ற பெண் யானை, பாகனின் உதவியுடன் பிச்சை எடுத்துக் கொண்டு இருந்தது.

இதைக் கண்ட வல்லரசு இந்தியாவை ஏலம் போட்டு கூவி கூவி விற்பனை செய்வதை பெருமையாக பீத்திக் கொள்ளும் நாட்டில் பிச்சை எடுப்பதை தேசிய அவமானமாக கருதிய திருவாளர்கள் கூட்டத்தில் உள்ள திருவாளர் ஒருவர்.

எங்கே..பத்த வைக்கனுமோ....அங்கே கச்சிதமாக பத்த வைத்தார்.

திருவாளர் பத்த வைத்த தகவலை அறிந்த வனத்துறையினர் மற்ற விபரங்களில்படி மணி ஆட்டிக் கொண்டு வராமல், சம்பவ இடத்திற்கு விரைவாக வந்து சேர்ந்தனர்.

வந்த வனத்துறையினர் பிச்சை எடுத்த கீதாவின் உரிமையாளரைப் பற்றிய விபரத்தை கேட்டறிந்தனர்.

பிறகு. திருவாளர் ஏரியாவில் பிச்சை எடுத்த குற்றத்திற்க்காக...கீதாவின் உரிமையாளரான மீனாட்சி அம்மாளுக்கு ரூபாய் பத்தாயிரம் அபராதம் விதித்தனர்.

இதையடுத்து, அபராதம் விதிக்கப்பட்ட மீனாட்சி அம்மாளை பார்த்தபோது

“ அவனவன் தேர்தல நின்னு ஓட்டு பிச்சை எடுத்து, அதிகாரத்துக்கு வந்ததும் ஒவ்வொரு நாடாக  போயி பிச்சை கேட்டு வர்றது..தெரியல.....

கஞ்சிக்கு செத்த கீதா , ஆசீர்வாதம் செய்து துட்டு வாங்கினதுல.... இவிங்க  வல்லரசு பெரும கிழிஞ்சு தொங்குதாம்ப்பா.....

பத்தாயிரம் ரூபா.... இருந்தா... நாங்க ஏண்டா..ஒங்க பாஷையில பிச்சை எடுக்குறோம்..... என்று மீனாட்சி அம்மா கேட்டாலும் கேட்டுறும்  என்று கூடியிருந்த கூட்டம்.

ஆத்தாடி..ஆத்தா, நமக்கேன் இந்த வம்பு என்று நிணைத்து தலைதெறிக்க ஓடியது.

எப்படி.....!! .பிச்சை எடுப்பதை...தடுத்திட்டோம்ல...... மீஜையே இல்லாத திருவாளர் மீஜையை முறுக்கினார்.