மறுமணம் பாவமல்ல .....வேதவள்ளி வேதா......???

 

வேதவள்ளி வேதா....

மறுமணம் பாவமல்ல...

மறுமணம் என்பது மாபெரும் பாவமல்ல

மாற்றான் கை பட்டதால்

 பெண் ஒன்றும் இழிவல்ல

காமத்தில்தான் ஆண்களின் பங்கு

நாங்கள் காலமும் செய்ய

இங்கு ஆயிரம் உண்டு

பெண்மை என்ற சொல் 

உடல் சார்ந்த ஒன்றுமில்லை

உள்ளன்பு உயர் தியாகம்,

இவை இன்றி வேறில்லை

மகர் கொடுத்து பெண்ணெடுத்து

மாடு போல நடத்துபவனை

நெஞ்சை ஏறி மிதித்து

மீண்டு வந்தால் பாவமில்லை.

நாங்கள்  கட்டிலை அலங்கரிக்கும் பொருளில்லை

நீங்கள் காத்தில் விளையாடும் பொம்மை இல்லை

சமுதாயம் தூற்றும் என அஞ்சி கொண்டு

சாகும்வரை உரிமை இழக்க

நாங்கள்  ஒன்றும் அடிமை இல்லை

உள்ளத்து உணர்ச்சிகளை புரியாமல்

வெறும் உடல் தின்னும் மிருகத்தை

கட்டிக் கொண்டு பண்பாடு கலாச்சாரம்

என்று சொல்லிக் கொண்டு நாங்கள்

படும்பாட்டை  சரி செய்யா சமுதாயமே!

வந்துவிட்டு, உண்டுவிட்டு சென்று விடுவீர்

எங்கள் வாழ்க்கை வீணாய் போய்விட்டால்

நீயா தருவீர்...?? காமத்தில் மட்டும்தான்

ஆண்களின் பங்கு.. நாங்கள் காலமும்

செய்ய  இங்கு ஆயிரம் உண்டு

மெட்டி போடு,

மேளம் தட்டி ,மேடை மீது, 

தாலி கட்டி கையைப் பிடித்தவன்

கயவன் என்றால் நானா பொறுப்பு???

முதல் வாழ்க்கை முறிதல் பாவமில்லை

அந்த பாவி தொட்ட உடல் என்பதால் கேவலமுமில்லை

மனம் பார்த்து மனம் கொள்ளும் ஆண்களின்

கூட்டம் மறுமணம் ஆணினும் கை பிடிப்பவன்

ஆண்டவனின் தோற்றம், திருமணம் தோற்பதால்

 வாழ்க்கை ஒன்றும் இருளல்ல.........

மறுமணத்தை தேடும் பெண் 

மட்டமான பொருளுமல்ல

நாங்கள் வாழ்வில் தடுக்கித்தான் போனோம்,

தவறி ஒன்றும் போகவில்லை,

தேற்றாவிடியினும் பரவாயில்லை

 தூற்றாமல் செல்லுங்கள்

ஓஷோ- --தமிழ்

.

.