மூனு பட்டை போட்டு இந்(து)தீயர் என்று பெருமிதம் கொள்வோம்..

படம்- www.dinakaran.com

ஒம்பாடு தேவலை தோழர்
ஓட்டும் போடுவதில்லை
விரல் அடையாளமும் பெருவதில்லை
என்றார் ஓட்டு கேட்கும் கட்சியை
சேர்ந்த நண்பர் ஒருவர்..

என்ன வி்சயம் என்று
தோழர் கேட்டபோது
செய்தி ஏட்டில் வந்த
விபரத்தை சொன்னார்.

தேர்தலில் கள்ள ஓட்டு
போடுவோரை தடுப்பதற்கு
வாக்களித்தப் பின் நகமும்
சதையும் சேரும் இடத்தில்
இடது பெருவிரலில் அழியா
மை வைக்கப் படுகிறது. அந்த
அழியா மை ஓட்டு போட்ட
சிறிது  நேரத்தில் அழிந்து
விடுகிறதாம்.... இதைத் தடுக்க
இடது ஆட்காட்டி விரலில்
தொடங்கி விரலின் முதல்
மடிப்பு வரை அழியா மை வைக்க
ஓட்டுக்கு பணம் கொடுக்கும்
வல்லவர்களை அந்த நல்லவர்களை
வாழ்த்தி வழியனுப்பி வைத்துவிட்டு

ஓட்டுக்கு காசு வாங்கி
ஓட்டு போடும் வறியவர்களை
மிரட்டும் தேர்தல் ஆணையத்துறை
உத்தரவாம் தோழரே என்றார்

அது கேட்ட இன்னொரு நண்பர்
சே...அவ்வளோ நீளத்துக்கு மை
வைப்பது ரெம்பவும் ரிஸ்க்கான
வேலை.. வேண்டுமென்றால்
ஓட்டு போட்டவர்களின்  நெற்றியில்
மூனு பட்டையை போட்டு விட்டால்
முகம் பார்த்தவுடன் இவர் ஓட்டு
போட்டவர் என்றும் கள்ள ஓட்டு
போட முடியாதவர்  இவர் இந்திய
நாட்டு இந்(து)தீயர் என்றும் பெருமை
பட்டுக் கொள்ளலாம் அல்லவா....என்றார்.


.