ஒரு தீர்ப்பும் அதனுடான கருத்து வதையும்.......

 

உச்சி(குடுமி) நீதிமன்ற நீதிபதிகளான அல்டாப்ஆலம்,ரஞ்சன்பிரகாஷ் தேசாய் இவர்களிடம் விசாரனைக்கு வந்த வந்த விவகாரத்து வழக்கில் ஆந்திரா உயர்நீதிமன்றம் வழங்கிய தீர்ப்பை ரத்து செய்து,அந்த வழக்கில் விவகாரத்து வழங்கி தீர்ப்பளித்தனர்.

அந்த வழக்கின் தீர்ப்பின்போது நீதிபதிகள் கூறியது.

கனவன்-மனைவி ஒருவருக்கொருவர் அவதூறான புகார்களை கூறுவதும் சித்ரவதைதான். கனவனும்-மனைவியும் ஒன்றாக வசிக்காவிட்டாலும் இதேபோல் சித்ரவதை செய்ய முடியும் என்று கூறினார்கள்.

இந் தீர்ப்பை  முன்மாதிரியாகக் கொண்டு, சரியான ஆதாரங்களை கணக்கில் எடுக்காமல்,தீர விசாரிக்காமல், சட்ட வழிமுறைகளை பின்பற்றாமல் தூக்கில் போடுவதும் சித்ரவதைதான்.

தாக்கல் செய்த வழக்குகளை குறித்த காலக்கெடுவுக்குள் முடிக்காமல் ரப்பரே அறுந்து போகமளவுக்கு இழுத்தடிப்பதும்  சித்ரவதைதான்.

பயத்தின் காரணமாக அநியாயத்துக்கு எதிராக தீர்பளிக்காமல் ஒதுங்கி கொள்வதும் சித்ரவதைதான்.

போலீசு,ஈராணுவம் கொடுமைகள்,அத்துமீறல்களுக்கு எதிராக தீர்ப்பு சொல்லாமல் நழுவிக்கொள்வதும் சித்ரவதைதான்.

ஆக.சஞ்சய்தத் மாதிரி ஆட்கள் கிடைத்து தண்டித்துவிட்டால். சட்டத்திற்கு முன் அனைவரும் சமம்ன்னு புழுகுவதும் சித்ரவதைதான்.

இவற்றையெல்லாம் பதவியில் இருக்கும்போது சொல்ல பயந்து மறந்து ஓய்வு பெற்ற பிறகு சொல்லாமல் இருப்பதும் சித்ரவதைதான்.

தனியார் மயத்தை ஒழித்தவர் மாவீரர் திப்புசுல்தான்

கிழக்கிந்திய கம்பெனி இந்தியாவை ஆண்ட போது மைசூரை
ஆட்சி புரிந்த திப்பு  வர்த்தகத்தில் பிரிட்டிசாரின் ஏகபோகத்தை
வளராது தடுக்கவும்.மக்களின் நலனுக்காவும் பல திட்டங்களை
தீட்டினார் அத்திட்டங்களில் ஒன்று, தனியார் மயத்தை ஒழிப்பது

மிளகு,சீரகம்.ஏலம் போன்றவற்றை நேரிடையாக உற்பத்தி
யாளர்களிடமிருந்து பரங்கிய வெள்ளை முதலாளிகள் வாங்குவதை
தடுத்து.அரசே, அவற்றை வாங்கி அரோபியாவிற்கு விற்பனை
செய்து. அரேபியாவிடமிருந்து வெள்ளை பிரிட்டீஸ் தொழிலதிபர்களை
வாங்கச் செய்தார்.

இதனால்.அரசே,பெரும் வர்த்தகராக்கி,தனியார் சுரன்டலையும்
 தரகு ஏஜென்டகளின் இடைத்தரகு தனத்தை ஒழித்தார்.

உழுபவனுக்கே நிலம் சொந்தம் என்ற சட்டத்தை இயற்றிய முதல்
மன்னன் என்ற பெருமை பெற்றார்.இலவசங்களை வெறுத்தவர்.
தன் மகன் இலவசமாக காய்கறிகளை வாங்கியதற்க்காக தன்
மகனையே தண்டித்த நேர்மையாளர் திப்பு.

நிலவுகின்ற தனியார்மயத்தையும், தாராளமயத்தையும் இன்றைய
கைக்கூலி ஆட்சியாளர்களின் முன்னோர்கள் கொண்டுவந்தபோது
தனியார்மயத்தை அன்றே ஒழித்தவர் பெருமைமிக்க  மாவீரர்
திப்புசுல்தான்தான்.

மகானின் உப...தேசமும், மக்களின் வேண்டு....கோலும்.(சிறுகதை)

மகான் என்ற சொல்லிக் கொள்கிற ஒருவர் தன் பணிஆடகளான

சிடர்களுடன் வேற்று நாட்டிலிருந்து தமிழ் நாட்டுக்கு வந்திருந்தார்

வந்த மகான் முதல் காரியமாக தமிழ்நாட்டு மக்களுக்கு உபதேசம்

 செய்தார்.

தமிழ் நாட்டு மக்களும். ஆட்சியாளரின் வரிவசூல்.கொள்ளை

போன்றகெடுபிடிகளால். விலைவாசி ஏற்றத்தாலும்,வேலை

வாய்ப்பு குறைவாககிடைப்பதாலும் வயிற்றில் ஈரத்துணியைக்

கட்டிக்கொண்டு வாழ்ந்துவந்தார்கள். 

இந்தக் கஷ்டங்களால் அவதிப்பட்டுவந்தவர்களுக்கு மகான்வந்தது சற்று மகிழ்ச்சியாக  இருந்தது. கஷ்டங்களை தாங்கிக் கொள்வதற்குஏதாவது

வழியும்.பரிகாரமும் சொல்வாருன்னு மகானின் உபதேசத்தை

கேட்க குழுமிவிட்டனர். பெருங்கூட்டத்தைக்கண்டு ஆட்சி

யாளர்களின்படை அதிகாரிகளும் வீரர்களும் கூட்டமாக

 சேர்ந்துவிட்டனர்.

கூடியிருந்த கூட்த்தைக்கண்ட மகான் பிரமித்துப்போனார்

 ஆ.....நம்உப தேசத்தை கேட்க இவ்வளவு கூட்டமா.........என்று.

......மாகனுக்குஅருகில் வந்த ஆட்சியாளரின் படை அதிகாரி ,

அவரிடம் குசுகுசுத்தார்

மகான் உப தேசத்தை தொடங்கினார். அரியின் புதல்வர்களே!

பெருங்குடி மக்களே!

நீங்கள் இந்த லோகத்தில் வாழ்கின்ற வாழ்க்கையில் காணப்

படும் துன்பங்களும் துயரங்களும் முற்ப்பிறப்பில் உங்கள்

முன்னோர்கள்செய்த தீவிணையின் பயனைத்தான் நீங்கள்

 அனுபவிக்கிறீர்கள். எவ்வளவுஎவ்வளவுக்கு எவ்வளவு

 கஷ்டங்களையும் துயரங்களையும் தாங்கிக் கொண்டு ,

தேவைகளை சுறுக்கிகக்கொண்டு சாந்த சொருபியாக -

எதையும் தாங்கும் இதயமாக இருக்குறிர்களோ,

அவ்வளவுக்கு நீங்கள் சாகாவரம்பெற்றவர்களாக

சொர்க்கத்தில் வாழ்வீர்கள என்றார்.

அப்போது. கூட்டத்திலிருந்து ஒரு விடலைப்பெண் எழுந்து

 மகானைவணங்கி,   “ எங்க நாட்டிலுள்ள ஆட்சியாளர்களும்,

பணக்காரர்களின்பெண்கள் எப்போதும் அழகாக இருக்கிறார்களே,

அவர்கள் குழந்தைகள் அமுல் பேபியாக இருக்குதெ. அதன்

காரணமென்ன சாமி........தெரிந்தால் நாங்களும் ......இழுத்தாள்.

மகான்.புன்னகைத்து நல்ல சந்தேகம் என்றுவிட்டு மக்களைப்

 பார்த்துபேசினார்.    ஆட்சியிலுள்ளவர்கள்.பணக்கார வீட்டுப்

 பெண்களும்குழந்தைகளும் அழுகாக இருப்பதற்கு,அவர்களின் முன்னோர்களின்நற்பண்புள்ள கிர்த்திகளால் அவர்கள் இந்த

லோகத்தில் அழகுள்ளவர்களாக,கவலையற்றவர்களாக

வாழ்கிறார்கள். இந்த அழகும்சந்தோஷம் நிலைப்பதற்கு

அவர்கள். நாட்டிலுள்ள எல்லா கோயில்குளத்திற்கும் சென்று வழிபடுகிறார்கள்.கோயில் குளத்தை படைவீரர்களை நிறுத்தி பாதுகாக்கிறார்கள்.மக்களை காப்பாற்றி வழி நடத்திச்செல்வதற்கு ஆடசியாளர்கள் அல்லும் பகலும் சிந்திக்கிறார்கள் என்றார்.

 சீடர்ஒருவர், பெப்ஸி அக்வுவா வாட்டர் கேனை நீட்டியவுடன்

 மகான் அதை வாங்கிமூனு,நாலு மடக்கு தண்ணீரை பருகினார்.

கூட்டம் அமைதிப்பூங்கவா இருந்தது. மஞ்சள்,காவி, பச்சை, கருப்பு

நிற ஆடைகள் அணிந்த பெண்களும்,ஆண்களுமாக சிலர் வரிசையாக

எழந்து நின்றனர்.பெண்கள் பேச ஆரம்பித்தனர்.

நீங்க சொல்கிறபடிதான் சாமி நாங்க இருந்து வருகிறோம் சாமி,

ஆட்சியில இருக்கும். புர்ர்ர்ட்சி தலைவி அம்மாவின் சதானை

யாக பால்வில.பஸ்டிககெட் வில, கரண்ட் பில்லெல்லாம் ஏத்து

னாங்க,அதுக்கெல்லாம் பொறுமையாகத்தான் இருக்கோம் சாமி

அதுக்கு பரிகாரமா, விலையில்லா அரிசீ.மேய்க்க ஆடுமாடு, மேய்ச்ச

களைப்பு தீற பேன்,  அரைக்க மிக்ஸி. கிரைண்டர் கொடுத்தாங்க

சாமி.என்றபோது...... கூட்டத்தின் கடைசியில் சலசலப்பு ஏற்ப்பட்டது.

மகானின் சீடர்களும் படைவீரர்களும் விரைவாக சென்று திரும்பினர்

ஆடசியில் இருக்கும் புர்ர்ர்ட்சி தலைவி அம்மாவுக்கு தானாம் ஓட்டு

போட்டார்களாம். அவுகளுக்கு இன்னும் ஆடுமாடு,பேன் மிக்ஸி

 எதுவும் தரலியாம் என்றார் சீடர் ஓருவர்.

இடையில் நிறுத்திய பெண்களை இடைமறித்து ஆண்கள் பேசினர்.

ரெண்டு நாளைக்கு முன்னாடி பெட்ரொல் விலையையும் ஏத்தின போது

 எங்களிடமும் வண்டிகள் இருந்தபோதும் எந்தவித போராட்டத்திலும்

கலந்துக்காம.எங்க முன்னொர்கள் செய்த கரும தீவின பலன்களே,

இதற்கெல்லாம் காரணமுன்னு ஒதங்கிய வருகிறோம் சாமி, போதா

குறைக்கு கஷ்ட நஷடங்களுக்கு விடிவு பிறப்பதற்க்காக,

ஆண்டுதோறும்பெண்கள் விரதமிருந்து.அக்னிசட்டி, மாவிளக்கு,

மண்சோறு,பூக்குளி,நி்.பூஜை.அங்கப்பூசைகளும்,ஆண்கள்காவடி,

வேல்குத்துவது,இருமுடி என்ற அணைத்துவித வேண்டுதல்களையும்

 மரபு மாறாமல் செய்துவருகிறோம்சாமி.இந்தப்பிறவில் அனுபவிக்காத கொடுமையெல்லாம்ஆனுபவிச்சுட்டோம் சாமி.....இதோடு விரதம்

 இல்லாத நாட்களில்,விரதம் இருந்த நாட்களுக்கம் சேர்த்து ஆட்சி

யாளர்களின் டாஸ்மாகபானத்தை பருகி நாட்டுக்கு அதிகமான வருமானத்தையும் கொடுத்துஓட்டாண்டிகளாகி வருகிறோம் சாமி..... சொர்க்கத்தில் சாகாவரம்பெற்று பெரு வாழ்வு வாழ உதவி பரியனும் சாமி....என்று ஆள்ஆளுக்கு ஒருவழியாக பெசி முடித்தனர்.

மகான்.தன் இடுப்பில் இருந்த கடிகாரத்தை ஒருமுறைக்கு இருமுறை

யாக பார்த்துக்கொண்டு சீடரிடம் குசுகுசுசத்தார்

உங்கள் விரதங்களும், வேண்டுதல்களம், ஆடசியாளர்க்கு செய்கின்ற

வருவாய் பெருக்கத்தையும். பகவான் நன்கு அறிவார். நானும் சொர்க்

கத்தில் இடம் கிடைப்பதற்க்காக பகவானிடம் சிபாரிசு செய்கிறேன்என்றார்

படை அதிகாரி மணியைப்பார்த்தவாறே மகானிடம் வந்து நின்றார்.

மக்கள் கூட்டமும் கொஞ்சமாக கலைவதற்கு முன்னமே மகானும்

சீடர்களும் சிட்டாய் பறந்துவிட்டார்கள்..

பீதியூட்டும் போலீசு,வாந்தியெடுக்கும் பத்திரிக்கை,கண்டுகொள்ளாத பொது மக்கள்..

தமிழகத்தை மாவோயிஸ்ட் களமாக்க திருமண நிகழ்ச்சிக்கு
வந்த மாவோயிஸ்ட்ன் தமிழக தலைவர்கைது. தமிழகத்தலைவர்
திண்டுக்கல் மாவட்டத்தை சேர்ந்தவர் என்பதால் கொடைக்கானல்
சிறுமலை,முருகமலை பகுதிகளில் நக்சலைட்கள் பதுங்கி
உள்ளனரா என்று தீவிர தேடுதல் வேட்டை.

மதுரைச்சிறையில் தமிழக தலைவரும்,நக்சல் இயக்கத்தின்
இன்னொரு தலைவரும் ஆக இரண்டு நக்சல் தலைவர்கள்
அடைக்கப்பட்டதால் சிறையைச்சுற்றி போலீசு ரோந்தும்
இரவுப்பணிக்கு கூடுதல் பொலீசும் நியமிக்கப்பட்டுள்ளனர்.

சிறைக்குள் செல்லும் பார்வையாளர்களுக்கு கட்டுப்பாடுகள்
விதிப்பு,தமிழகத்தலைவரை சந்திக்க வழக்குரைகளுக்கு தடை

மாவோயிஸ்ட்தமிழக தலைவர்.மற்ற கைதிகளை பார்க்கவோ,
பேசவோ,அறையைவிட்டு வெளியே வரவோ அனுமதியில்லை
தமிழக பிரிவு தலைவரின் உறவினர்கள்.மற்றும் நண்பர்களிடம்
தீவிர விசாரனை.

மேற்கண்ட விவரங்கள் அணைத்தும் தமிழக அரச பயங்கரவாதிகள்
பீதியடைந்து பீதியூட்ட வெளிப்படுத்தும் நடவடிக்கைகள். ஜன
நாயகத்தின் நாலாவது தூண் அலறி வாந்தியெடுத்தவைகள்.

வில்லாதி வில்லன்,வீராதி வீரன் போலீசின் செய்திகளை படிக்கும்
போது ஒரு கதைதான் நிணைவக்கு வருகிறது.

அஞ்சா நெஞ்சன்( கருனாநிதியின் மகன் அல்ல) மாவீரன் என்று
சொல்லப்படுகின்ற நெப்பு என்ற நெப்போலியன், பூனையை கண்டு
நடுங்கும் பயந்தாங்கொல்லி.

இப்பேர்பட்ட பயந்தாங்கொல்லியை. மெல்லக்கொல்லும் விஷத்தை
கொடுத்துதான் கொன்றார்களாம்.

அதுமாதிரி.படைபலமும் அதிகார பலமும் பண பலமும்உள்ள போலீசு ,
 படைபலமும் பணபலமும் ஆள்பலமும் இல்லாத கம்யூனிச
 தலைவர்களின் சிந்தனை ஒன்றை வைத்துதுக்கொண்டு செயல்பட்டு
வருபவர்களை தீவிரவாதிகளாக,கொலைகாரர்களாக தமிழ்நாட்டு
இளைஞர்களுக்கு ஆயுதப் பயிற்சி கொடுத்து அதன் மூலம்
இந்தியா என்ற மாபெரும் ஜனநாயக நாடு கம்யூனிசநாடாக
மாறிவிடுவது மாதிரி பெரிய பூச்சாண்டி காட்டி அதை தடுப்பதாக
வேஷம் கட்டி தங்கள் பவரைகாட்டி வருகிறார்கள்.

ஊழலும்,அதிகார முறைகேடுகளும் விலைவாசி உயர்வும் வேலை
இல்லா கொடுமையும் பெருகி கிடககும் நாட்டில் இதுக்கெல்லாம்
காரணமானவர்கள் யார் என்று தெரிந்திருந்தும் அவர்களின் நிழலை
கூட தொடமுடியாத மத்திய உளவுப்படையும் மாநிலப்படையும் கீறல்
விழுந்த பழைய ரிக்கார்களையே திரும்பத் திரும்ப ஒலி-ஒளி பரப்பி
வருகிறார்கள் என்பது அ..ஆவன்னா படித்தவர்களும்,படிக்காத
பாமரர்களும் அறிந்தும் புரிந்தும் வந்துள்ளார்கள். பரபரப்பாக செய்தி
வெளியிட்டாலும். இவர்களுக்கு வேறு வேலையில்லை என்றே
புறந்தள்ளுகிறார்கள்.

குண்டாஞ்சட்டியில் குதிரை ஓட்டவேண்டுமென்றால் கக்கியதை
நக்கி கக்குவதை தவிர வேறு வழியில்லை..அதனால்தான் இப்படி பீதி
ஊட்டுவதும், பத்திரிக்கைகள் வாந்தி எடுப்பதும், பொது மக்கள் கண்டு
கொள்ளாமல் இருப்பதும் தொடர்கதையாக நீள்கிறது.

நானென்ன செய்வது...நானொரு ஏவல் நாய்.....

நானென்ன செய்வது
நானொரு ஏவல் நாய்

எஜமானர்களுக்காக
அதிகாரிகளால் ஏவப்
படும் ஏவல் நாய்

நானென்ன செய்வது
நானொரு ஏவல் நாய்

ஏவி விட்டால் கடித்து
குதற வேண்டும்

அவர்கள்...............
தாயாக....தந்தையாக.....
சகோதர......சகோதரியாக...
அன்புத் தோழனாக.......
அப்பாவி மக்களாக....
இருந்தாலென்ன........

நானென்ன செய்வது
நானொரு ஏவல் நாய்

மக்கள்......................
நீரின்றி தவித்தாலென்ன
கரண்ட் இன்றி புழுங்கிலாலென்ன
பட்டினியால் மாண்டாலென்ன
அனுஉலை வெடித்து செத்தாலென்ன
கதிர் வீச்சால் வெந்து துடித்தாலென்ன


நானென்ன செய்வது
நானொரு ஏவல் நாய்

மக்களை காப்பது என் வேலையல்ல
எஜமானர்களை காப்பதே என்வேலை
மக்களை விரைந்து சென்று மீட்பது
என் வேலை இல்லை.போராடும்
மக்களை விரைவாகஅடித்து
விரட்டுவதே என்வேலை
துணையாய் இருப்பது என்வேலையல்ல
எஜமானர்களுக்கும் அவர்தம்
பரிவாரங்களுக்கு துணையாய்
இருப்பதே என்வேலை......














 நானென்ன செய்வது
நானொரு ஏவல் நாய்

நாங்கள் கும்பலாய் வந்தால்
உரிமைகள் மறுக்கப்படும்
கூட்டமாய் வந்தால்.....
உண்மைகள் மறைக்கப்படும்
படையாய் வந்தால் உங்கள்
உயிர் பறிக்கப்படும்.

நானென்ன செய்வது
நானொரு ஏவல் நாய்

எஜமானர்கள் மனம் குளிர்ந்தால்
சலுகைகளும் பதக்கங்களும் கிடைக்கும்
அதிகாரிகள் மகிழ்ந்தால்
ஏவல் கூடும் எங்களுக்கு
அதிகாரம் குவியும்...............

இனி............
நானென்ன சொல்ல
நானொரு அதிகாரம் படைத்த
 எஜமானர்களின் ஏவல் நாய்....