நினைவலைகள்-6

 ஆறாத ஒரு வடு..............





என் தாய்க்கு
என்னைப் பற்றிய
கவலை கடைசி
காலத்தில் கண்டிப்பாய்
இருந்திருக்கும் இல்லாமல்
இருந்திருக்காது அந்தக்
கடைசி நேரத்திலாவது
ஒரு தடவையாவது
மகன்  பேச்சைக்
கேளாமல் அவனை
அனாதை ஆக்கிவிட்டு
போறோம்மே என்ற
கவலையும் வருத்தமும்
 இருந்திருக்கும் எப்படி
என்றால் கடைசிவரை
 என் பெயரைத்தானே
உச்சரித்தார்  அவர்

ஆனாலும் என்
அம்மா இறக்குவரை
தாய் சொல்லை
 தட்டாத செக்கு
மாடாக இருந்த
நான் என்தாய்
சாகும் தருவாயில்
என்னைக் கூப்பிட்டும்
போகாமல்  செக்கு
மாட்டைப் போல
நான்  நடந்து
கொண்டது ஆறாத
வடுவாக இருக்கிறது.

நினைவலைகள்-5.

 பாவிகள் நிறைந்த உலகில்................









படுப்பதற்கு ஒரு
இடம் இல்லா
மனிதர்களில் மத்தியில்

குடியிருக்க ஒரு
ஓலைக் குடிசை
எங்களுக்கு கிடைத்தது.

 ஆயிரம் ஓட்டைகள்
இருந்தாலும் கோடையில்
இதமாக இருக்கும்

மழைக் காலத்தில்
குட்டைக் குளமாகி
மீன் இல்லாத
தண்ணிரை இறைக்கும்
வேலை கிடைத்து
விடும் விடிய
விடிய பெய்யும்
மழையால் தாயும்
மகளும் மகனும்
மூவருமாய் மாறி
இரைத்த களைப்பினால்
மூலையில் ஓய்வாய்.........

மழை நின்றால்
ஈரத்தரையில் தூக்கம்
இல்லை என்றால்
தாமிரபரணி புஷ்கரத்தோடு
சிவன் ராத்திரியும்தான்

அந்த சிறு
ஓலைக் குடிசையையும்
அபகரித்து விரட்ட
ஒரு கூட்டம்..

மழை காலத்தில்
குடியிறுக்கும் வீட்டில்தான்
இப்படி என்றால்
டெங்குவால் செத்து
சுடுகாட்டிலாவது படுக்கலாம்
என்றால் அங்கும
 இடமில்லை என்று
எரித்து விடுகிறார்கள்..
பாவிகள் நிறைந்த
உலகில். புதைக்கவும்
இடமில்லை..........

நினைவலைகள்-4.

இளைப்பாற ஒரு போக்கிடம் ........









எனை   ஈன்று
வளர்த்த கடனுக்காக

அந்தக் கடனை
அடைக்க தாயுடன்
பாரம் சுமந்தேன்.

குடும்ப பாரத்தின்
சுமை தாளாமல்
இடையில் தாய்
விடை பெற்றுக்
கொள்ள தனியாய்
 நான் சுமந்தேன்.

தனியாய் சுமந்ததால்
பாரம் பெரும்
சுமையாகி மேலும்
எனை அழுத்த....

சுமையான பாரத்தை
இறக்கவும் வழியில்லை
பாரத்திலிருந்து விடுபட்டு
இளைப்பாறவும் ஒரு
போக்கிடம் இல்லை.

இப் பிறப்பில்
போக்கிடம் இல்லாத
போது மறுபிறப்பில்
கிடைக்கும் என்பதற்கு
உத்தரவாதம் ஏது....???

நினைவலைகள்-3.

படித்ததில் தெரிந்தது............









சமூக ஏற்றத் தாழ்வுகளுக்கு
காரணமான நிலப்பிரபுத்துவ
மண்ணர்களையும் சுரண்டும்
கூட்டத்தையும் பாதுகாக்கவே
கற்பனை செய்யப்பட்டது
மறுபிறப்பு என்னும்
தத்துவம் மிகத்
திறமையான அறிவின்
கண்டுபிடிப்பு..-----ராகுல் சங்கிருத்தியாயன்...........

நினைவலைகள்-2.

அச்சு தொழில்..நச்சு தொழில்............








முதலில் தெரியவில்லை
இடையில் புரியவில்லை
 கடைசியில் அதுவும்
முப்பத்தி ஐந்து
ஆண்டுகள் அனுபவத்திற்கு
பின்  தெரிகிறது
அச்சு தொழில்
நச்சு தொழில்
என்று இப்ப
புரிந்து என்ன
செய்ய....இனிமேல்
இதுதான் குலத்
தொழில் ஆச்சே...

நினைவலைகள்......1.

 ஒரு மூடனின் அவதானிப்பு.........








காக்கை என்ற
பறவைக்கு தன்
குஞ்சு பொன்
குஞ்சு என்பது
சரி என்றால்
அந்த காக்கை
மற்ற பறவைகளின்
குஞ்சுகளை கொத்தி
குதறுவதற்கு காரணம்
சுயநலம் இன்றி
வேறு  என்னவாம்....................